hero

INDUSTRIAL NEWS Blog

AIChE SU SC· 2018 ·

INDUSTRIAL NEWS

Sophia (robot)

" If you are nice to me, i will be nice to you" الجمله تبان جمله عاديه جدا لو سمعتها من اي حد في حياتك انما اللي غريب ومش طبيعي انك تسمعها من روبوت اتصنع عشان يساعدك.. فى الفيلم Logan قبل ما يموت في الجزء الاخير للأسف(X-MEN) كان عمل اجزاء من سلسله بيحارب فيها الآلات الى بتقتلهم والى مع الوقت كانت بتقتل الناس الطبيعيه علشان اعتبرت الإنسان مجرد مخرب كان في سؤال دايمًا بنسمعه كتير ممكن يجي اليوم اللي نشوف فيه الذكاء الاصطناعي بيعدي قدرات البشر و تسيطر على الانسان !!؟ 😀 اه ممكن 😱 .. ازاي !!؟ ده اللي ظهور صوفيا بيثبته اللي ف الصوره دي صوفيا ، روبوت صممته شركه "هانسون روبوتيكس" صُممت علي شكل الممثله البريطانيه "اودرى هيبورن" وجري تشغيلها عام ٢٠١٥ مالها صوفيا وايه مشكلتها !؟ صوفيا معاها الجنسيه السعوديه ومبتتكلمش عربي ومتسألش ازاي .. من فتره السعوديه عملت مؤتمر عالمى للتكنولوجيا في الرياض واعلنت فيه عن منح الجنسيه لصوفيا المشكله ان محدش عارف صوفيا دى بتفكر في ايه ؟! بتفكر ؟! هو في روبوت بيفكر ! اه صوفيا تعتبر الاذكى في فئه كائنات الذكاء الاصطناعي علي مستوى العالم وبتفكر وبتجرى حوارات مفتوحه زيها زى البشر عادي واتعلمت الاحاسيس البشريه وطريقه التعبير دي حتي حاليا صوفيا بتسعي لهدف اسمي وهو انها تجيب حقوق الآلات 😌 ، وفي خلال المؤتمر سألها المذيع سؤال وهو ايه الضمانات الى تخلى البشر يحسوا بالأمان تجاهها وكان ردها في الاول ساخر وهو ان خيال هوليوود مسيطر عليه ولما كرر السؤال قالتله " لا تقلق مادمتم لطيفون معي سأكون لطيفه معكم" وده يخلينا نقف قدام تقدم " artificial intelligence " ويخلينا نفكر ونسال يا تري التقدم ده هيوصلنا لايه ؟ ياتري هيجي اليوم اللي يتعملك فيها انترفيو من روبوت وتخيل لو حصل هيكون اسئلتها ايه؟!. او هييجى اليوم و نشوف فيه نهاية لعالمنا اسوء من كل النهايات اللى اتخيلناها فى افلامنا و تنبؤاتنا و يكون النهاية من داخل الكوكب بسبب اداة اخترعها الانسان بنفسة عشان تاخد مكانه !

Comments


Leave a comment

Post Comment